煎韭菜芫茜牛肉蛋角

今晚只得老公和我一齊食!,

仔仔囡囡今晚去學校disco, 兩個唔同時間一前一後, 出出入入. 好彩住得近學校!

煎咗碟老公鐘意食的蛋角, 得兩個人食細細碟就夠!

 

加上自製的辣醬. 老公叫這個辣醬做小咪咪 killer sauce .  真係都幾鬼辣!





小咪咪今晚的完美組合!

腸仔沙律

太陽出現一星期, 唔知有多少天 可以享受陽光. 

所以要盡量要與太陽接觸. 

晚餐簡簡單單, 清爽的沙律, 加D腸仔比食肉獸. 可以在花園食晚飯, 真係開心又輕鬆!

鮮桃撻

仲有一個撻殼, 老公不停咁叫做甜品. 

見剛剛買咗D桃, 鬼死咁新鮮, 就做桃啦! 

等老公開心吓!

太陽伯伯回歸, 真開心

太陽伯伯回來啦!  植物充滿生機, 生命充滿陽光色彩!

粟米終於可以見天日!

西芹苗




紅蘿蔔出世啦!

Parsnip 這種我唔知中文名, 有無人知呀?
 



Chinese Winter squash 當有瓜時, 睇吓似唔似香港冬瓜! 

Raspberry 紅草莓, 開始開花啦!

天氣轉好, 唔單止植物, 連人都開心D!

火腿雜菜撻 + 西班牙腸仔波菜撻 (Quiche)

夏天終於到啦!  做咗兩個(Quiche)撻比仔仔囡囡做lunch.  D撻可以凍食或熱食!



撻皮非常易做, 才料: 麵粉10oz, 牛油5oz切粒, 凍水8tbsp 



做法:

1. 把麵粉和牛油放入食物攪拌機, 打至似麵包糠
2. 加水攪至球形,
3. 用保鮮紙包好, 放入雪櫃20分鐘
4. 烘爐預熱200度, 壓平麵團放入盆底
5. 在盆底义細個小孔, 加牛油紙和豆烘20分鐘
6. 取開豆和牛油紙再烘5分鐘





撻皮完成



撻餡料:

蛋汁: 蛋2隻, 鮮奶8oz, 混合備用

撻(1) 火腿, 粟米粒, 西蘭花, 撻(2) 西班牙腸仔片, 自種波菜

做法:

1. 把撻餡放入撻皮再加小許芝士, 加蛋汁
2. 放入已預熱180度的烘爐大約30分鐘或固定和金黃



出爐啦!

仲有一個撻皮做甜品!

煎三文魚配烘茄子

昨日放工要去Morrisons 要買麵粉做麵飽. 真好彩, 比我買到特價正嘢!  三文魚半價, 茄子£0.50一個, 午餐肉 Spam £1.  

晚餐已經在我眼前啦! 

又係簡單晚餐, 不過所有才料新鮮.  家人大讚好味!

咁大件新魚三文魚£4.12好抵呀!



茄子好靚呀!

火

懶人烘茄子才料: 茄切片, 一罐蕃茄粒, 芝士, 黑胡椒粉

做法: 在盆底掃橄欖油, 放茄子片, 加蕃茄粒, 黑胡椒粉, 芝士. 重復兩次, 入烘爐180度大約30分鍾至金黃便成!

簡簡單單, 味道鮮美. 家人食都唔停口! 

自製蛋麵

星期日做咗一大盆湯底, 昨日決定要用咗佢. 而且有另一個蛋麵食譜好想試!

結果非常滿意!  麵質彈牙! 由今起我會再用這個配方做蛋麵! 真係唔錯!

才料: 麵粉500g, 蛋黃3個, 鹽小許, 水(大約)140g

做法:

1. 把所有材料混成麵團, 待3小時
2. 用壓麵機壓至滑
3. 壓至自己喜歡的厚度, 切條便成

今次有囡囡出場幚手做麵! 囡囡揀做幼條麵! 

煎韭菜蝦肉鍋貼

好耐冇食鍋貼.  做D鍋貼伴蛋麵. 屋企存貨無哂皮.  麵粉就好多!  要動手做皮啦!




皮材料: 麵粉200g, 熱水100g, 凍水50g

做法:
1. 把熱水加入麵粉, 攪混, 加凍水, 攪成麵團, 揉滑, 待30分鐘
2. 壓平切圓形, 皮與皮之間落多D粉防和黏





餡料: 菜切粒, 雞肉攪碎, 蝦肉半攪碎含蝦粒

醃料: 豉油, 糖, 油, 胡椒粉, 小許蛋白

做法: 把所有才料混合, 入雪櫃30分鐘

懶懶的我用夾夾, 用夾好方便.   

做咗一大碟, 半碟係囡囡夾架!  囡囡製造咗隻無餡鍋貼, 佢仲話好好味, 真係比佢煩死! 

煎豬扒配薯蓉

近排工作很繁忙, 無時間預備晚餐, 今日又要做簡易晚餐. 

買咗D靚靚 Morrisons 豬扒加個薯蓉和蔬菜又一餐平靚正晚餐!  

今日有大厨仔仔出場幚手, 大厨親手做薯蓉, 果然非常滑.

酥皮蛋撻

在Chinese supermarket 買咗一盒4個蛋撻, 食哂都未夠喉.  於是自己動手做多D啦! 

樣貌雖然一般, 但係味道食很美!   自己做也健康D, 市面上多用豬油做皮, 我改用牛油, 都唔錯嫁!





水皮:
75g
中筋麵粉   

一隻
蛋黃

30g
水

油皮:

100g 牛油

75g 中筋麵粉

蛋液:
二隻 大蛋

60g 糖

60g 水

40g 牛奶

1) 先做水皮:
將所有水皮材料拌勻,略搓成光滑麵糰,包上保鮮紙,靜待二十分鐘.

2)
做油皮:將牛油與麵粉搓勻,包上保鮮紙,放入雪柜二十分鐘.

3)
枱上撒些少麵粉,將水皮捍成長方形,放上已壓平的油皮,然後用水皮腹蓋油皮,一同壓平成長方形,兩邊向中間摺起,然後再壓平成長方形,再放雪柜十五分鐘.

4)
重復以上步驟二次. 最後捍成三至四毫米厚,用模具壓出酥皮,撒上少許粉,壓緊於模上,放雪柜十五至二十分鐘.

5)
做蛋液:水加奶及糖加熱至糖溶,待凉,加入已打散之蛋液,隔篩備用.

6) 預熱焗爐至200度,小心將蛋液加入模具至七成滿,焗大約十二至十五分鐘,然後轉至180度再焗十至十二分鐘便成.

做酥皮蛋撻其實唔難, 只要有時間在屋企, 隔一陣就壓吓D皮.  不過烘的時候要睇住佢, 唔好比D撻過熱.

菠蘿飽

終於在星期六去咗 Chinese supermarket 入咗貨啦!  買咗好多基本生活必需品. 
公仔麵剛剛食剩一個, 依家又買返一箱.  哈哈, 依家屋企咩都有啦!  真開心!囡囡在Chinese supermarket 見到菠蘿飽, 叫住要買. 一盒有兩個, £2.20 一盒.  買兩個包包要兩磅幾, 好貴呀! 所以小咪咪同囡囡講媽咪做菠蘿飽比你食啦! 自己做健康D!

昨日早上做湯種, 下午做包, 仔仔囡囡的晚餐食包包食飽. 

D菠蘿飽非常香脆!