恭喜發財!
今年係16年來第一年在香港過農曆新年! 而且已經有自己的小家庭, 所以特別興奮! 仔仔囡囡第一次逗利是, 新的中國傳統體驗, 日日都忙的好開心!
年初一
年初二
在家食返餐, HEE HEE 哈哈開心開年飯, 一人一隻龍蝦尾, 愛心炒飯, 簡簡單單蝦蝦蝦!
年初三
可以休息吓啦! 最後將油畫, 油好, 可以掛上牆啦! 我唔係咁叻架, 其實尼幅係paint by number! hee hee!
年初四
同一班朋友上山落山, 南丫島, 行足12小時, 4個山, 一日遊!
由山頂望落去, 世界真大真美!
入吓岩洞
行足一日, 終於可以坐低休息吓, 食晚餐啦!
在美麗的日落下和一班朋友一同等船回家!
年初五
唔多愉快的年初五, 諗住嘆吓茶比雙腳休息吓! 好快就有位, 點好晒點心, 我都明白大時大節D點心會嚟得慢小小唔係問題. 頭20分鐘嚟咗一半點心, 再等多40分鐘都再無嘢食, 每一分鐘過就多一度火! 眼見D點心係我眼前來來去去, 全部都無我份, 仔仔囡囡又肚餓, 我唔再等要取消一切未來的點心都要攪一大餐! 仲要再去買麵包比仔仔囡囡衣肚!
又有舞獅睇, 囡囡要跟住舞獅週圍去, 跟咗一陣就發覺D鼓聲太大, 耳仔痛, 終於可以走人去買餸,因為年初六mummy and daddy 會到我家拜年, 買定餸預備年初六晚餐! 真高興!
年初六
同 mummy and daddy 去一間有推車仔點心的茶樓飲茶, 今次大家都好滿意, 食得開開心心!
食完茶, 一家人去流浮山一日遊, 買咗D靚靚魚肚和蝦皮, 下星期就試吓新才料!
晚餐, 仔仔囡囡各人煮一味餸, 囡囡煮可樂雞翼, 仔仔煮蝦仁炒蛋. 我就加多碟炆冬菇, 薑蔥雜茹牛肉粉絲煲, 蒜蓉豆苗, 蒸鮮魚, 糯米飯和蘋果雪莉瘦肉湯. 公公, 婆婆唔洗食個心都甜晒!
當然唔少得甜品啦! 整咗婆婆最鍾意的木糠布甸, 佢哋一邊玩一邊食, 簡直係完美的年初六呀!
年初七
老公要返工啦! 仲有仔仔囡囡陪伴, 今日唔洗咁趕, D動作可以慢少少, 唔洗咁早起身, 真爽!
下午帶仔仔囡囡玩吓滑板!
食咗咁多日傳統式的中餐, 今晚食意式, 三文魚扒伴意粉!
年初八
今日公公要返工啦! 所以約同婆婆一齊專程去搵公公食lunch, 公公好鬼開心呀!
年初八午餐
婆婆和孫仔孫女玩足一日, 大家都攰啦!
非常繁忙, 開心和滿足的一年, 好多改變, 新事物, 希望大家都會有美好的馬年!
最後祝大家, 身體健康, 心想事成!
